Timu ya Real Madrid imetinga fainali ya michuano ya klabu bingwa ya dunia baada ya kuinyuka Al Ain ya Umoja wa Falme za Kiarabu mabao matatu kwa moja.
Mshambuliaji wa kimataifa wa Wales, -Gareth Bale amefunga mabao yote matatu yaani Hat Trick na kuipeleka Madrid katika fainali ya tatu mfululizo ya michuano hiyo ya ngazi ya juu kabisa kwa vilabu duniani huku bao la kufutia machozi kwa Al Ain likifungwa na Shoma Doi.
Mabao matatu aliyofunga Bale yanamfanya kufikisha idadi ya mabao sita katika mechi tano za michuano ya klabu bingwa ya dunia na kuwa mchezaji wa tatu kufunga hat trick katika michuano hiyo nyuma ya Luis Suarez na Cristiano Ronaldo.
Madrid ambao wanawania kunyakua taji la tatu mfululizo la michuano hiyo, sasa watamenyana na Al Ain ambao wamepata nafasi ya kucheza michuano hiyo kwa nafasi ya upendeleo inayotolewa kwa nchi mwenyeji wa michuano hiyo kwenye dimba la Zayed Sports City Jumamosi Disemba 22 mwaka huu.
