Bingwa mtetezi wa Ligi ya Kulipwa ya Mpira wa Kikapu nchini Marekani (NBA), – Golden State Warriors wameshindwa kutamba mbele ya Utah Jazz baada ya kula mweleka wa alama 108 kwa 103.
Licha Stephen Curry kufunga alama 32 na Kevin Durant kuongeza nyingine 30, bado hazikutosha kuwapa Warriors ushindi mbele ya Jazz waliokuwa wakiongozwa na Joe Ingles aliyefunga alama 20.
Nayo timu ya Cleveland Cavaliers imeendeleza msimu mbovu baada ya kukubali kipigo cha alama 110 kwa 99 kutoka kwa Charlote Hornets katika mchezo ambao mchezaji Kemba Walker ameifungia Hornets alama 30 na kutoa pasi za kufunga sita.
Na katika michezo mingine timu ya San antonio Spurs wameinyuka Orlando Magic alama 129 kwa 90, wakati Brooklyn Nets wakiilaza Chicago Bulls alama 96 kwa 93 huku Indiana Pecers wakishindwa kufurukuta mbele ya Toronto Raptors na kula mweleka wa alama 99 kwa 96.
Nayo New Orlean Pelican imepoteza mbele ya Milwaukee Bucks kwa kunyukwa alama 108 kwa 103.
