Wataalamu na watafiti wa Taasisi ya Utafiti Nchini -TARI wametakiwa kufanya tafiti zinazolenga kutatua changamoto zinazowakabili wakulima ili waweze kuzalisha kwa tija katika msimu ujao wa kilimo.
Akizungumza na wataalam wa taasisi hiyo wilayani Kibaha mkoani Pwani Mkurugenzi Mkuu wa TARI Dkt. Geofrey Mkamilo amesema endapo watafiti hao watafanya kazi zao vizuri na kuzifikisha kwa wakulima ipasavyo uhaba wa chakula nchini unaweza kuwa historia.
Kwa upande wake mtaalamu wa kituo hicho akiwemo Afisa Utafiti Kilimo Mkuu Dkt. Stephen Ngairo amesema kwa sasa wanaendelea kujipanga kuhakikisha wanasaidia katika sekta ya kilimo na namna ya kuongeza uzalishaji kwa mkulima mdogo.
