Mahubiri ya Krismasi 2022 yamebeba ujumbe kwa Wakristo kufuata ushauri wa Mungu katika maisha yao ya kila siku.
Mahubiri hayo yametolewa na RT. REV, Thegu Mutahi katika Ibada ya Krismasi Kitaifa inayofanyika katika Kanisa Presbyterian jijini Arusha ambapo imeongozwa na REV. Abraham Issac Nnko
“Hata kama una washauri wasomi wa kibinadamu, lakini Mungu ndio mshauri wa kweli hata bibilia inavisa vingi vya hekima za Mungu hata miujiza ya kuzaliwa kwa Yesu maamuzi mengi na miongozo ni ushauri wa Mungu,” amesema Mutahi.
Pia REV, Thegu Mutahi amesisitiza kuwa ushauri wa Mungu hauwezi kukosea njia na hakuna mahali utakwenda kombo kwa sababu ushauri wa Mungu ni sawasawa.
“Tuna nafasi yakujishauri lakini lakini nafasi inayofaa katika ukristo lazima tusikilize ushauri wa Mungu kama Yusufu,” amesema.
Ametaja vitu vya muhimu ambayo Mkristo anaweza kuzingatia ili kufata ushauri wa Mungu ambavyo ni;
- Kwa maombi
- Kwa kusoma bibilia na kuielewa
Mutahi amemaliza kwa kuiwapongeza viongozi wa serikali na kuwasihi waendelee kufuata ushauri wa Mungu ili wawe viongozi bora na watenda haki.
“Viongozi pia wawe na uhusiano na Mungu, acha kujishauri bila kumpa Mungu nafasi kwani uhusiano wa karibu na Mungu unakupa nafasi ya hekima na utashi katika utendaji,” amesema RT. REV, Mutahi
