Waziri wa Kilimo Hussein Bashe
amesema Wanawake Milioni 1.6 watafikiwa na Mpango wa Kilimo Biashara na kuwezeshwa kwa miaka sita kuanzia 2024 – 2030,, na hivyo kuwa na uwezo wa kufanya uzalishaji mkubwa.
Waziri Bashe ameyasema hayo mkoani Dar es Salaam wakati wa mkutano wa Mifumo ya Chakula Afrika na kuhudhuriwa na wadau.mbalimbali wa chakula.
Amesema kwa kuwa Tanzania imekusudia kulisha Dunia, hivyo imejiwekea mipango thabiti ya kuwezesha vijana na Wanawake kwa kuwapatia mikopo.
Waziri Bashe amesema Kilimo Biashara kitasaidia kuzalisha ajira kwa vijana wengi ambao watakuwa wamejiunga kwenye makundi mbalimbali.
