Waziri Mkuu Kassim Majaliwa amewaagiza Mawaziri walioapishwa hii leo kujifunza kwa haraka mambo yanayohusu wizara zao.
Waziri Mkuu Majaliwa ametoa kauli hiyo Ikulu jijini Dar es salaam wakati wa hafla ya kuapishwa kwa Mawaziri Mawili, Balozi mmoja na Makamishna kadhaa wa Jeshi la Polisi nchini.
Amesema kuwa ni muhimu pia kwa Mawaziri hao kuweka vipaumbele vya wizara zao hasa wakati huu ambapo wizara zinajiandaa na matayarisho ya bajeti kwa mwaka wa fedha wa 2019/2020.
Amewapongeza Mawaziri hao kwa utumishi wao mzuri, hali iliyosababisha kuendelea kuaminiwa na kupewa nafasi na Rais John Magufuli.
