Watu watano wanaodhaniwa kuwa ni majambazi wameuawa baada ya kutokea kwa majibizano ya risasi kati yao na Polisi wilayani Korogwe mkoani Tanga.
Tukio hilo limetokea wakati watu hao wakitaka kufanya jaribio la uporaji kwenye mashamba ya Mkonge ya Toronto.
Kamanda wa Polisi wa mkoa wa Tanga, – Edward Bukombe amethibitisha kutokea kwa tukio hilo na kusema kuwa limetokea katika eneo la darajani kwenye mji mdogo wa Mombo.
Katika tukio hilo Polisi pia wamekamata silaha mbalimbali ikiwa ni pamoja na bunduki aina Shortgun na bastola iliyotengenezwa kienyeji.
Miili ya watu hao imehifadhiwa katika hospitali ya wilaya ya Korogwe, -Magunga .
