Rais John Magufuli amezindua kiwanda cha Parachichi kilichopo wilayani Rungwe mkoani Mbeya na kuahidi kuwa serikali itayashughulikia matatizo yote yanayokikabili kiwanda hicho.
Rais Magufuli amezindua kiwanda hicho ikiwa ni sehemu ya ziara yake ya siku Nane mkoani Mbeya, ambapo pia amewapongeza wakazi wa wilaya ya Rungwe kwa kuwa wachapakazi na Wakulima wazuri.
Akiwa katika kiwanda hicho cha Parachichi, Rais Magufuli ameipongeza Bodi ya Wakurugenzi pamoja na Mwekezaji wa Kiwanda hicho kwa kutoa ajira nyingi kwa Wazawa hasa akina Mama na Vijana.
Kwa upande wa Wakazi wa wilaya ya Rungwe, Rais Magufuli ameahidi kuwa Serikali inafanya kila linalowezekana kuwapatia huduma ya maji safi na salama, barabara na huduma nyingine muhimu, pamoja na kukamilisha ujenzi wa uwanja wa ndege wa Kimataifa wa Songwe ili waweze kusafirisha mazao yao kwa urahisi kwenda katika maeneo mbalimbali.
