Kiongozi wa Kanisa Katoliki Duniani Papa Fransisko amelipandisha hadhi jimbo Katoliki la Mbeya kuwa Jimbo Kuu Katoliki la Mbeya.
Taarifa iliyotolewa na Katibu Mkuu wa Baraza la Maaskofu Katoliki Tanzania imesema Jimbo Kuu Katoliki la Mbeya lina majimbo ya Iringa na Sumbawanga.
Halikadhalika Papa Fransisko amemteua Mhashamu Askofu Gervas Nyaisonga kuwa Askofu Mkuu wa kwanza wa Jimbo Kuu la Mbeya.
Mpaka wakati wa uteuzi wake, Mhashamu Askofu Nyaisonga alikuwa Askofu wa Jimbo la Mpanda.
