Rais wa Zanzibar na Mwenyekiti wa Baraza la Mapinduzi Dkt. Hussein Mwinyi amewataka vijana nchini kujitokeza na kuchangamkia fursa za kilimo.
Dkt. Mwinyi amesema hayo Ikulu, Dar es Salaam wakati wa mkutano wa maandalizi ya mkutano wa Afrika wa masuala ya Chakula na Kilimo (AGRF) unaotarajiwa kufanyia nchini mwezi Septemba mwaka huu.
Akitoa salamu za Zanzibar Dkt. Mwinyi amesema, kilimo ni sekta inayotoa ajira kwa Watanzania wengi, hivyo ni vema vijana wakachangamkia fursa hiyo.
Pia amesisitiza uwekezaji zaidi katika sekta ya kilimo hasa kwa kundi la Wanawake na Vijana.
Rais huyo wa Zanzibar amesema, Zanzibar ina hoteli zaidi ya mia sita zinazoweza kutumika kupokea Wawekezaji watakaofika nchini kuwekeza katika sekta mbalimbali ikiwemo ya kilimo.
“Kupitia sekta ya kilimo tutakapopata Wawekezaji kutoka nje, nasi Zanzibar tumeendelea kujipanga kwa kuwa na hoteli zaidi ya 600 ili kupokea Wawekezaji watakaokuja Tanzanai kuwekeza.” Amesisitiza Dkt Mwinyi
