Saudi Arabia imesema kuwa watuhumiwa wote wa mauaji ya mwandishi wa habari, -Jamal Khashoggi, mashtaka yao yatasikilizwa nchini humo.
Akizungumza wakati wa kikao cha kujadili suala hilo mjini Bahrain, Waziri wa Mambo ya Nje wa Saudi Arabia, -Adel Al-Jubeir pia amevishutumu vyombo vya habari vya magharibi kwa kuongeza vitu ambavyo havina ukweli wakati wa kuandika habari kuhusu mauaji ya Kashoggi.
Kauli ya Waziri huyo wa Mambo ya Nje wa Saudi Arabia imekuja siku moja tu baada ya serikali ya Uturuki kutaka kuwahamisha watu 18 wanaotuhumiwa kuhusika na mauaji ya Mwandishi huyo wa habari.
