Zaidi ya watu Ishirini wamekufa baada ya kimbunga kikali kuukumba mji wa Lee uliopo nchini Marekani.
Uongozi wa mji huo umesema kuwa idadi ya watu waliokufa inaweza kuongezeka, kwa kuwa bado watu wengi hawajatolewa kwenye vifusi.
Vikosi vya uokoaji katika mji huo wa Lee vinaendelea na kazi ya uokoaji, kazi ambayo inakwamishwa na hali mbaya ya hewa.
Habari zaidi kutoka katika mji huo wa Lee nchini Marekani zinasema kuwa kimbunga hicho kimeharibu nyumba na mali kadhaa, kimesababisha kukosekana kwa huduma muhimu ikiwa ni pamoja na maji na umeme na pia kimesababisha kuharibika kwa miundombinu ya barabara.
