Ndege ndogo ya abiria imeanguka katika makazi ya watu kwenye jimbo la California nchini Marekani na kusababisha vifo vya watu watano akiwemo rubani wa ndege hiyo.
Watu walioshuhudia ajali hiyo wamesema kuwa kabla ndege hiyo haijaanguka iligawanyika vipande na baadae kushika moto.
Wamesema kuwa walisikia kishindo kabla ya kuanguka kwa ndege hiyo na kisha mlipuko uliosababisha nyumba moja yenye ghorofa mbili kushika moto.
Watu wengine wawili wamejeruhiwa katika ajali hiyo ambayo imeanguka dakika chache baada ya kuruka kutoka uwanja mdogo wa ndege wa Yorba Linda.
Mamlaka zinazohusika katika jimbo hilo la California zinaendelea na uchunguzi kujua sababu za kuanguka kwa ndege hiyo ndogo ya abiria.
