Kama uko tayari kufanya jambo lisilo la kawaida kwa mabadiliko, jaribio hili la mende linaweza kuwa kwa ajili yako.
Kulingana na Jarida la Business Insider, kampuni ya kudhibiti wadudu kutoka North Carolina nchini Marekani inatafuta washiriki ili kuwaruhusu kuweka mende ndani ya nyumba zao kwa lengo la utafiti kwa muda wa siku 30.
Kampuni ya The Pest Informer inatafuta kaya tano hadi saba ambazo zinaweza kuwaachilia mende 100 wa Kimarekani kwenye nyumba zao kwa kuwalipa $2,000 ambazo ni sawa na shilingi milioni 4.6 ili kufanya utafiti wa mende.
Kulingana na taarifa kwenye tovuti ya kampuni hiyo, inasema mende wanaweza kuwa vigumu kuwaangamiza, kwa hiyo wanafanya utafiti ili kujaribu mbinu mpya na bora.
Miongoni mwa vigezo vya kuzingatia ikiwa una ghorofa, huna sifa lakini ikiwa wewe ni mwenye nyumba na/au kupata ruhusa kutoka kwa mwenye nyumba wako, unaweza kushiriki. Pia lazima uishi kwenye nyumba na uwe na umri wa angalau miaka 21, matibabu yote ya mende yaliyojaribiwa yatakuwa salama kwa familia na wanyama, hupaswi kujaribu matibabu yoyote ya ziada ya mende wakati wa utafiti, Mwishoni mwa utafiti, ikiwa shambulio la mende halijaondolewa, watatumia njia za jadi.
Ungekuwa mkazi wa Marekani ungekuwa tayari kula mchongo huu?
