Kiongozi wa upinzani nchini Venezuela ambaye amejitangaza kuwa Rais wa serikali ya mpito ya nchi hiyo Juan Guido, amelishitumu jeshi la nchi hiyo kwa kuendelea kumuunga mkono Rais Nicolas Maduro.
Guido amelishutumu jeshi la Venezuela kwa kuzuia misaada ya kibinadamu kwenye mipaka ya nchi hiyo ili isiweze kuingia nchini humo, ikiwemo ile ya dawa kwa ajili ya kutibu binadamu.
Amesema kuwa anashangaa kuona jeshi la Venezuela bado linamuunga mkono Maduro, licha ya kutotambuliwa na Mataifa ya Magharibi ikiwemo Marekani.
Kiongozi huyo wa upinzani nchini Venezuela, – Juan Guido amesema kuwa nchi hiyo inakabiliwa na uhaba mkubwa wa dawa za binadamu na wagonjwa wengi wanazihitaji katika hospitali mbalimbali, lakini jeshi linaweka vizuizi katika maeneo ya mipaka.
