Kiongozi wa Kanisa Katoliki Duniani, Baba Mtakatifu Francis yupo katika falme za Kiarabu kwa ziara ya kiserikali na kidini.
Hiyo ni ziara ya kwanza ya kiongozi huyo wa Kanisa Katoliki Duniani katika nchi za kiarabu na ameweza kuendesha misa mjini Abu Dhabi.
Kabla ya kwenda katika falme hizo za Kiarabu, kiongozi huyo alielezea kusikitishwa na mauaji na kisiasa yanavyoendelea nchini Yemen na kutaka Jumuiya ya Kimataifa kuchukua hatua ili kuwasaidia wananchi wanaoathiriwa na mapigano nchini humo.
Miongoni mwa mambo ambayo Kiongozi huyo wa Kanisa Katoliki Duniani Baba Mtakatifu Francis anatarajiwa kusisitiza katika mazungumzo na wenyeji wake kwenye Falme za Kiarabu ni kuimarisha umoja na amani miongoni mwa wakazi wa dunia.
