Waziri wa Ulinzi wa Marekani James Mattis leo ametangaza kujiuzulu wadhifa wake.
Katika barua yake ya kujiuzulu, Mattis amesema anaamini kwamba Marekani inahitaji kuendeleza ushirikiano imara na washirika wake, na inapaswa kuweka msimamo usio na utata dhidi ya mataifa ya China na Russia.
Mattis ambaye ni mwanajeshi aliyestaafu akiwa na cheo cha Jenerali, amekuwa akichukuliwa kama mhimili wa utulivu katika baraza la mawaziri la Rais Donald Trump wa Marekani.
Uamuzi huo wa Mattis umekuja baada ya tangazo la Rais Trump la kuondoa wanajeshi wa Marekani nchini Syria, hatua ambayo imewakasirisha washauri wake na washirika wa Marekani.
Hata hivyo Rais Trump wa Marekani amesema atatangaza mrithi wa Mattis hapo baadae.
