Serikali ya Sudan imetangaza hali ya tahadhari katika mji wa Atbara ulioko katika bonde la mto Nile, baada ya mfululizo wa maandamano ya wananchi waliokuwa wakipinga hali ya upungufu wa chakula kwenye mji wao.
Waandamanaji hao walichoma moto makao makuu ya chama tawala nchini humo, huku maandamano ya kupinga serikali ya Sudan yakiendelea kushika kasi.
Habari zaidi kutoka nchini Sudan zinasema kuwa, asilimia 60 ya raia wa nchi hiyo maisha yao yanaendelea kuwa magumu na wameendelea kukabiliwa na uhaba mkubwa wa chakula na ukosefu wa mafuta kwa ajili ya kuendeshea magari yao.
