Naibu Waziri wa Ujenzi, Uchukuzi na Mawasiliano Mhandisi Atashasta Nditiye ameahidi kuzifanyia kazi changamoto za kutokuwepo kwa mawasiliano ya simu za mkononi katika baadhi ya maeneo Kisiwani Pemba.
Mhandisi Nditiye ametoa ahadi hiyo wakati wa ziara yake ya kukagua hali ya upatikanaji wa mawasiliano ya simu za mkononi kwa wakazi wanaoishi kwenye mkoa wa Kaskazini uliopo kisiwani Pemba.
Wakati wa ziara hiyo Mhandisi Nditiye amebaini kuwa yapo baadhi ya maeneo katika mkoa huo yana usikivu mdogo wa mawasiliano na mengine hayana kabisa.
Katika hatua nyingine Mhandisi Nditiye amekagua vituo viwili kati ya kumi vya Teknolojia ya Habari na Mawasiliano vilivyojengwa na Mfuko wa Mawasiliano kwa Wote -UCSAF katika Visiwa vya Unguja na Pemba.
