Kwa mara ya kwanza mwana wa mfalme wa Saudi Arabia, – Mohammed Salman anayetuhumiwa kupanga mauaji ya mwandishi wa habari wa nchi hiyo Jamal Kashoggi, amezungumzia kifo cha mwandishi huyo.
Akizungumza katika mkutano wa wafanyabiashara mjini Riyadh, – Salman amesema kuwa Kashoggi amekufa kifo cha kusikitisha na serikali yake itafanya kila iwezalo kuwatia hatiani wale wale wote waliohusika na tukio hilo.
Oktoba 24 mwaka huu, mwana huyo wa mfalme pamoja na baba yake walikwenda kuwapa pole watoto wa kiume wa Kashoggi nchini Saudi Arabia, jambo ambalo pia liliwatia mashaka watu wengi.
